അടിസ്ഥാന ജനധിപത്യമൂല്യങ്ങളോട് യാതൊരു പ്രതിബദ്ധതയുമില്ലാത്ത ഒരു പാര്ട്ടിയെ തങ്ങളുടെ മാധ്യമപ്പെട്ടിയില് നിറച്ചു നിര്ത്താന് പെടാപാടുപെടുന്ന മാധ്യമങ്ങള് എന്തുതരത്തിലുള്ള സന്ദേശമാണ് ജനങ്ങള്ക്ക് നല്കുന്നത്
രാജ്യതലസ്ഥാനം കത്തിയെരിഞ്ഞപ്പോള് അതിനെ അവധാനതയോടെ നേരിട്ടവര്, പൌരത്വ സമരത്തോട് മുഖം തിരിഞ്ഞുനിന്നവര്, രാജ്യത്ത് സ്വതന്ത്രമായി അഭിപ്രായപ്രകടനം നടത്തുന്നവരെ കരാഗൃഹത്തിലടയ്ക്കുന്നവര് ഈ സമരക്കാര്ക്ക് മുന്പില് പത്തുവട്ടം ചര്ച്ചക്കായിവന്നു എന്നത് വിജയമല്ലാതെ പിന്നെന്താണ്? കര്ഷകാരാരും ഒരപ്പീല്പോലും കൊടുക്കാത്ത കോടതിയില് അപ്പീല് നല്കി ഇടപെടുവിച്ചു എന്നത് സമരത്തിന്റെ വിജയമല്ലേ? ഒന്നരവര്ഷത്തേക്ക് കാര്ഷിക നിയമങ്ങള് മരവിപ്പിച്ചോളാമേ എന്ന കേന്ദ്ര അഭ്യര്ത്ഥന സമരത്തിന്റെ നേട്ടമല്ലേ? നിയമം മുച്ചൂടും പിന്വലിച്ചേ തലസ്ഥാനം വിടൂ എന്ന് സര്ക്കാരിന്റെ മുഖത്തുനോക്കി പലവട്ടം പറഞ്ഞത്, ഇടയ്ക്ക് വെച്ചുനീട്ടുന്ന തിരുമധുരങ്ങളങ്ങ് കൊട്ടാരത്തില് വെച്ചാല്മതി എന്നുപറഞ്ഞത് വിജയമല്ലാതെ മറ്റെന്താണ്?
മന്മോഹന് സിംഗ് സര്ക്കാരാണ് എല് ഐ സിയുടെ ഓഹരി വില്പ്പന നടത്താനുള്ള നീക്കങ്ങള് ആദ്യമായി നടത്തിയത് എങ്കിലും ഒന്നാം യു പി എ മന്ത്രിസഭയിലെ ഇടതുപക്ഷ സാന്നിധ്യം അതിനു തടസ്സമായി. പിന്നീടും ഈ കാര്യത്തില് വിട്ടുവീഴ്ചയില്ലാതെ മുന്നോട്ടുപോയ പിന്നീട് വന്ന കേന്ദ്ര സര്ക്കാരുകളുടെ പ്രവര്ത്തന ഫലമായാണ് 49 ശതമാനം വിദേശ മൂലധനമാകാം എന്ന നിലയിലേക്ക് കാര്യങ്ങളെ കൊണ്ട് ചെന്നെത്തിച്ചത്. ഇതിപ്പോള് അതിന്റെ പ്രവര്ത്തന പന്താവിലേക്ക് അതിശക്തമായി നീങ്ങുന്നു
കേസ് നടത്തിപ്പുകാലയളവില് ആരെ സ്വാധീനിക്കുമെന്ന് കണ്ടാണ് കോടതി ഈ ചെറുപ്പക്കാരനെ ജയിലില് തന്നെ പാര്പ്പിക്കണമെന്ന് തീരുമാനിച്ചത് എന്ന് മനസ്സിലാകുന്നില്ല. ഇന്ന് താഹയെ മാത്രം ഒറ്റ തിരിച്ചു ജയിലിലയക്കുമ്പോള് കോടതിയിലും അതിന്റെ വിധികളിലുമുള്ള ഹതാശരായ മനുഷ്യരുടെ പ്രതീക്ഷകളാണ് മങ്ങിപ്പോകുന്നത്.
ബിജെപിയെക്കണ്ട് നിങ്ങള് ഹിന്ദുത്വ കളിച്ചാല് വിജയിക്കാന് പോകുന്നില്ല. സാക്ഷാല് സ്വര്ണ്ണമുണ്ടെങ്കില് പിന്നെ സ്വര്ണ്ണം മുക്കിയതിന്റെ പിന്നാലെ ആരെങ്കിലും വരുമോ കോണ്ഗ്രസ്സേ... എന്തിന്, നിങ്ങളുടെ എംഎല്എ മാര്ക്കോ എംപി മാര്ക്കോ നിങ്ങളെ വിശ്വാസമുണ്ടോ? ഇന്ന് ബിജെപിയില് ഉള്ള നേതാക്കന്മാരില്, മന്ത്രിമാരില്, എംഎല്എ മാരില് എന്തിന്, പഞ്ചായത്ത് മെമ്പര്മാരില് പോലും മഹാഭൂരിപക്ഷവും കോണ്ഗ്രസ്സില്നിന്ന് പോയവരാണ്